Nambooze ng'ayogera eri abavubuka ba People Power e Mukono ku NUP.

Nambooze ng'ayogera eri abamu ku beesimbyewo ku kkaadi ya NUP ku woofiisi z'ekibiina e Mukono gye buvuddeko yalaga ng'omulabirizi Ssebaggala bwe yeekobaana ne meeya w'ekibuga Mukono ne baggala essomero lya Bishop Central ne balekawo erya Bishop West mu ngeri gy'agamba nti yalimu amawunjukira.

Omubaka agattako nti bano tebaakoma okwo ate n'ensimbi ezisasula abasomesa oluvannyuma lw'okujja essomero lya Bishop West mu gavumenti ekkanisa n'ery'eddiza ne lifuuka lya bwannanyini nti kati bazikwatira kabbo mu kkanisa ng'agamba nti essaawa yonna lyakuggalawo ng'ensimbi eziriddukanya zibuze olwo ettaka balyegabanye mbu kuba baatandika dda n'okulitemamu ppoloti.

Mu lukiiko lw'amawulire obulabirizi bwe lwatuuzizza ku Lwomukaaga ku woofiisi z'obulabiriz nga lwakulembeddwa omuwandiisi w'obulabirizi, Rev. Canon John Ssebudde ne lwetabamu munnamateeka w'obulabirizi, Ronald Musoke ssaako ow'amawulire w'obulabiriz Derrick Kaddu, bano baalaze obutali bumativu olw'omubaka Nambooze okugufuula omugano bulijjo okulengezzanga omulabirizi mu ngeri ez'enjawulo.

Ssebudde yalaze okunyolwa olw'okulaba ng'omubaka Nambooze atuuka ku ssa ery'obutawa mulabirizi kitiibwa n'okumujolonga mu ngeri eyenkanidde awo.

Ono yakulembeddemu ab'amawulire n'abalambuza amasomero gano okuli erya Bishop East ne Bishop West agaasigalawo n'alaga engeri gye basobodde okugakuuma nga gali ku mutindo ngha kati gayisiza n'abaana mu ddaala erisooka ekyali kitakyaliwo.

Ye Provost wa Lutikko ya Firipo ne Ndereya Rev. Canon Enos Kagodo Kitto yasabye omubaka Nambooze okulaga abantu by'akoze okusinga ate okudda ku kkanisa n'omulabirizi ayogere kalebule n'okutyoboola ekikola obubi ennyo.

Munnamateeka w'obulabirizi, Musoke yategeezezza nti wadde nga baabadde balabye nga tekyetaagisa kudda mu mubaka Nambooze olw'ebyo bye yayogedde wabula bwe byatandise okusasaanyizibwa ku mikutu gy'amawulire egy'enjawulo ne bibaako be byakoze obubi olwo kwe kusalawo bamwanukule.

Musoke yagambye nti ssinga teyeekomeko n'agenda mu maaso n'ebigambo bye bimu, olwo baakulowooza ku ky'okukumuba mu mbuga z'amateeka olwo gasobole okubamutasaako.

Nb

Omubaka obanga abawayiriza abasibeko amatu gembuzi aliise abekanisa ye Mukono engo kunsonga zettaka, musale amagezi, mugaane okumulonda nate okugenda mu Parliamenti. Obulokole bwe kkanisa ya Uganda bwasimbuka nyo e Mukono ne Namutamba. Kwegamba omulimu gwo kubulira enjiri gutuuse okulekebwa bannakyewa bagukole. Anti square miles 75 eze ttaka ezaweebwa ekkanisa yobu Christayo bwa Uganda wano e Buganda, lyonna limaze okutundibwa!

Kkamera y’e Mulago  eyakutte omubbi ono yalaze nga yabadde ayambadde essweeta emmyuufu, empale eya jjiini nga ya bbululu n’engatto enzirugavu. 

Mmotoka gye yabbye ya Micheal Rusoke ow’e Nansana ey’ekika kya Premio  nnamba  UAT 369D gye yabadde asimbye ku mabbali g’ekikomera  okumpi n’omulyango omunene oguyingira e Mulago okumpi n’ekitongole ekikola ku kujjanjaba abalwadde ba kkookolo e Mulago.

Rusoke  yagambye nti yazze ku ddwaaliro ku ssaawa nga 2:00  ez’oku makya ng’aleese  mulamu we, Jemimah Mutegeki  mu kifo we bajjanjabira kkookolo.  “Nakomyewo ku ssaawa nga 6:30 ez’emisana ne

nsimba mmotoka mu kifo kye kimu. Omubbi ono wano we yasoose okwagala okubbira emmotoka  kyokka n’alemererwa kubanga nayanguye okudda nga bantumye eddagala.

Navuze  emmotoka ne hhenda okukima eddagala  ne nkomawo ku  ssaawa nga 7:30 ez’emisana ne nsimba emmotoka mu kifo kye kimu ne nziraamu okuyingira eddwaaliro.

Mu ddwaaliro namazeeyo essaawa ng’emu ne nkomawo n’omulwadde wabula nagenze okutuuka we nasimbye mmotoka nga teriiwo.

Nabuuzizza ku babbooda abali ku siteegi eriraanyeewo nga bagamba nti tebamulabye.

Nagguddewo omusango gw’obubbi ku poliisi ya CPS ku fayiro nnamba 26/02/10/2019.

Poliisi yaggyeko ebifaananyi ebyakubiddwa  kkamera  ebiri ku nnamba CRB /197 /2019 Mulago  nga biraga omusajja ono bakira eyeetalira mu miti egiriraanye eddwaaliro nga yeefudde akuba essimu  nga yeetalira ku mmotoka eno  okutuusa 

lwe yagimenye n’ayingira. Kkamera zaasoose kumulaga ng’agyegezaamu okugibba wabula n’alengera Rusoke ne yeebuzaabuza n’agivaako.

Kkamera era zaalaze nga bwe yavuze  emmotoka okuva e Mulago  n’ayingira  oluguudo  lwa Mawanda Road nga wano we yabulidde.

Patrick Onyango omwogezi wa poliisi mu Kampala yagambye  nti bakyakola okunoonyereza okuzuula omubbi ono n’asaba abamumanyi okukolagana ne poliisi okugiwa ebimukwatako.

Abaana ba University ye Makerere nga badduka abasirukale abakambwe enyo.

Yakwatiddwa n’aggalirwa mu nkambi y’amagye e Makindye oluvannyuma lwa Pulezidenti Museveni okulagira amagye agaasindikibwa e Makerere gaggyibweyo.

Obutambi obwakwatibwa mu bubba, bwalaga abajaasi ba miritale nga batulugunya abayizi n’okubakuba emiggo.

Bino, byabaddewo wiiki ewedde ng’abayizi b’e Makerere beekalakaasa nga bawakanya abakulira ettendekero okwongeza ebisale ebitundu 15 ku 100 buli mwaka.

Omwogezi wa UPDF, Brig. Richard Karemire yagambye nti, Lubeera yakwatiddwa oluvannyuma lw’okufuna okwemulugunya nti waliwo abajaasi abaasiiwuuse empisa ne bakuba abayizi.

Nb

Kibi nyo era sikyabugunjufu oba obuntubulamu ab'Africa okugenda nga bametta kubanabwe emisango egyokumenya amateeka nebatekebwa nemubitabo ate bwebatwalibwa mu kkooti za mateeka kisangibwa nga tewali musango gwabumenyi bwamateeka gwebazizza. Ate nga nabamu kubakungu abaseesa mu enku mumuliro ogwomuze guno omubi nabo edda bayita mukumenya mateeka okutuuka webali nga bo ate kakati bali waggulu wa matteeka.

Oyo gwe bayita propaganda mululimi oluzungu. Muluganda kikyanonyezebwa. Mpozzi omuntu yenna ategeera ayinza kukifananyiriza Omufuusa. Asobola okukulaga obunyonyi nga buva munkufiira emyufu gyaba ayambadde. Ate buba bubuuka ate nabusikayo nabufuula amagi. Kibi nyo nti abaana abali mukutawaana okusoma Police namagye gabateeseko criminal record embi enyo. Mumaaso eyo nga banoonya emirimu kijja kubeera kizibu okufuna emirimu nga abandyagade okubakozesa babatya. Simunsi eno yokka eya Uganda naye nemunsi endala zonna. Okukwata omukungu eyakulembede banne nebagenda mu University nebakuba abaana nokubatekako emisango tekisangulawo misango abaana bano gyebalina kakano okuwoza. Ate oluvanyuma Omulamuzi namala okuwulira emisango gino ate nabawa ekibonerezo.

PULEZIDENTI Museveni awadde amyuka omuduumizi wa poliisi mu ggwanga, Maj. Gen. Sabiiti Muzeeyi, ennaku bbiri aveeyo n’enkola ennambulukufu okulwanyisa abatta abantu.

Muzeeyi y’amyuka Martins Okoth Ochola.

Museveni mu kiragiro kino yatageezezza nti awulira yeetamiddwa abatemu be yayise ‘embizzi’ abatta abantu nga bakozesa ebijambiya n’emitayimbwa olwo ne balyoka babakolako obunyazi obw’enjawulo.

Bino we bijjidde nga ku Mmande abatemu baateeze omusuubuzi Joseph Baguma ku maka ge e Kisubi ku lw’e Ntebe ne bamutemaatema ssaako okubba ssente ezisoba mu bukadde 100.

Era ku Lwomukaaga lwa wiiki ewedde, abatemu baayingiridde omugagga mu bitundu by’e Garuga ne bamutemula.

Ku lunaku lwe lumu abakubi b’obutayimbwa baataayizza omuserikale Joshua Tusingire akulira okunoonyereza ku buzzi bw’emisango ku CPS ne bamukuba ne bamuleka ng’ataawa.

Museveni yategeezezza nti yabadde akyali mu kibuga Addis Ababa ekya Ethiopia naye bw’anaakomawo ajja kusooka kuyita mu pulaani ya Sabiiti olwo bw’anakkaanya nayo ajanjulire eggwanga abantu bonna bamanye engeri gy’agenda okulwanyisaamu ettemu lino.

Omuduumizi wa Poliisi Martins Okoth Ochola tali mu ggwanga ng’aliko olukuhhaana lwe yagendamu e Peru.

Mu kiwandiiko Museveni kye yatadde ku mukutu gwe ogwa Facebook ng’abuulira abazzukulu ne Bannayuganda bonna, yategeezezza nti abatemu bangu nnyo okutuula ku nfeete n’awera nti baakufaafagana nabo okulaba ng’abantu babeera mu ggwanga mu mirembe.

Nb

Okutta abantu sikyekibi kyokka naye ebibi bingi omwaana womuntu byakola ebiletera ensi eno okuggwamu amanyi nti Omutonzi alabika nga file ya Uganda alinako wagyelabidemu. Ebibi birimu nokunyaga sente zomuwi womusolo nomala nozitwalira abasumba ba Katonda(Zakayo omuwooza). Eriyo ekibi kyokulimba bantu bano, okubanyigiriza, okubatwala nga bo abatali kitonde kya Mutonzi, newankubade nga bakola ebasiyagi, banyazi, bamalaya. Eriyo ekibi ssemabi ekikulu enyo ekyobutayagala baliranwa bo ate ne Yakutonda, kubanga Katonda kwagala era abeera mu kwagala abeera alabye Omutonzi we.Guno mukutu gw'amawulire wamu n'okukubaganya ebirowoozo ku nsonga ez'enjawulo. Weewale okuwemula , okuvuma n'okuvvoola.

Obumenyi bwamateeka bwo buyitiridde mubatuuze ba Uganda. Kyelalikiriza buli alina keyekoledde okuzukuka nga kibwatukira nga byonna byewekorede bigenze. Obuzibu nga buno bukomyewo nga abayimbi bwebayimba kubanga 1975-86 Abaganda bangi nyo bwebabonabona nobubbi nobunyazi nga bakabira abanyazi nti Twala ebintu naye banaffe mutulekere obulamu. Wapi. Essamba gere, empi, okusiba obundoya, bamaama okubasobyako, nokubayisaamu essassi byeyongera bweyongezi. Kyali kibi nyo. Era abo abanyumirwa entalo muggwanga bantu bakyamu nyo.

Aba KCCA baasoose kuyoola mmaali yaabwe, ne babakanyugira amayinja, ekyawalirizza poliisi okukubamu ttiya gaasi n’amasasi mu bbanga n’ekwatako abamu ku bo.

Aba KCCA bwe baagenze, abasuubuzi bano baatandise okuziba enguudo ne baziteekamu emisanvu ekyaviiriddeko akalippagano k’ebidduka. Poliisi yayitiddwa wabula abaserikale babiri bokka be baasobodde okutuuka.

Abasuubuzi baalabise nga baabasinzizza amaanyi era omu ku bano yakutte omumyuka wa Oc w’oku Kaleerwe, Twahir Kasembeza amataayi n’amugalulira ekiso okumutema.

Wano abamu ku basuubuzi baalabye munnaabwe ky’akola kikyamu ne bamukwata ne bamuggyawo oluvannyuma abaAbasuubuzi serikale abalala okuva e Wandegeya bazze ne bakuba amasasi mu bbanga n’omukka ogubalagala okubagumbulula kuba baabadde tebasalikako musale.

Abaserikale baggyeewo emisanvu mu nguudo era mmotoka ne ziddamu okutambula embeera n’edda mu nteeko.

Abavubuka obwedda bagufudde mugano okunyakula obusawo ku bakazi n’amasimu nga waliwo n’emmotoka ezaayasiddwa endabirwamu .

Ku Lwokusatu lwa wiiki eno, abaserikale ba KCCA baakutte abamu ku basuubuzi ng’ekisinga okwewuunyisa bonna baayimbuddwa kyokka emmaali yaabwe poliisi n’egisigaza.

Abasi Kimbugwe, omu ku basuubuzi b’amatooke, yategeezezza nti akolera munda wabula kw’olwo yabadde agenze kunona mwana ku ssomero aba KCCA ne bamukwata.

Agamba nti baamututte n’abakwate abalala era bwe baatuuse e Nakawa ne bamusaba ssente emitwalo 20 nga zino mukyala we ye yazisasudde. Abasuubuzi baafiiriddwa ebimeeza kwe bakolera , ebyamaguzi n’ebirala.

Wabula, abamu ku bakulembeze abatwala obutale bw’oku Kaleerwe n’aba-suubuzi abakolera munda ku midaala baagambye nti bazze balaga obutalibumativu bwabwe ku bakolera ku nguudo kuba bo basasula omusolo mu KCCA n’abasuubuzi ne basasula empooza ekitali ku bakolera ku nguudo.

Abalala balumiriza bannannyini butale okuba n’omukono mu kusolooza ssente ku bakolera ku nguudo kye bagamba nti nakyo kibasibyeko abantu bano.

John Bosco Mugisha Mukiga, eggulo poliisi yamuzizzaayo mu kifo kino n’abalaga bwe batta abantu bombi.

Yabatta ali ne Young Mulo (Aloysius Tamale) ne munnaabwe Kagame. “Oyo (Mulindwa) si y’asoose. Wano twattirawo omulala mu March omwaka guno.

Mu March waaliwo ebitooke we twamuttira. We twattidde Mulindwa ng’ebitooke tebikyaliwo.

Eyasooka twamukuba ejjinja ku mutwe n’afiirawo”, bwe yategeezezza abaserikale abaavudde e Kampalamukadde. Poliisi yakutte ku vidiyo byonna bye yabalaze.

“Gwe twasooka okutta yajja avuga Mulo ku pikipiki. Nze ne Kagame twali tubalinze awo mu bitooke. Bwe baatuukawo Mulo n’agamba owa bodaboda ayimirire.

Mulo yamukwata akabadiya olwo nze ne Kagame ne tufubutuka mu bitooke ne tumuyamba okutta. Nze nnamukuba ejjinja ku mutwe.

Kagame yavuga pikipiki, olwo nze ne Mulo ne tutuula emabega”, bwe yannyonnyodde.

Okutta Mulindwa, yagambye nti baava ku bbaala e Makindye ne bagenda e Kakeeka ku ssaawa nga 3:00 ez’ekiro.

Baalina ekirowoozo ky’okuttira owa bodaboda gye baali bagenda okubba mu kifo kyennyini we battira eyasooka. Kyokka baasanga ebitooke tebiriiwo nga bazimbawo enju.

Twafuna ekifo emabegako katono awo Mulo we yakweka ennyondo ne bagenda okunoonya pikipiki. “Pikipiki twagiggya ku Duster Street okumpi ne Radio One n’etutwala e Kakeeka we twamuttira”, bwe yagambye. Yalaze engeri gye baamutammu naddala engeri gye yakuba ennyondo.

Pikipiki baasooka kugitwala ku mayiro mwenda ku lw’e Gayaza ne tugissa mu paakingi. Amannya twawandiisaayo Kayihura mu kitabo. Mugisha yalina ssente n’asasula ssente mwe baasula ekiro ekyo.

Nga bukedde, Mugisha yawa Mulo 15,000/- agende asisinkane omugagga eyabasasulako 200,000/- ku kakadde kamu ke baagimuguza kyokka 800,000/- tazibawanga. Kino kitegeeza nti Mulindwa baamuttira 200,000/- zokka.

Yabatutte we yasuula ennyondo n’abatwala n’e Kabuusu-Lubaga we yasuula essimu gye babba ku Mulindwa.

Pikipiki eyasooka gye babba ku wa bodaboda gwe battira naye e Kakeeka baagitunda 600,000/-.

Omugagga yabalagira kugimusanza wa Zzana. Mu kugabana ssente Mugisha yafuna 150,000/- ne Kagame 150,000/- ate Mulo yafuna 300,000/- kubanga y’akolagana n’omugagga ate y’aleeta n’emirimu.

Yagambye nti, bwe baatuuka awaali omugagga, Young Mulo yabaleka busukkakkubo n’agenda n’amusisinkana n’amuwa pikipiki n’addayo gye bali ne 600,000/-. Agamba omugagga yali ayambadde ekikoofiira ky’abavuzi ba bodaboda ku mutwe teyasobola ku mwetegereza.

Yagambye nti okuva February 2019, ye ne Mulo baakabba pikipiki mukaaga. Kyokka nga bukya atandika kukola mulimu ogwo baakatta aba bodaboda 17. Teyejjusa kutta ba bodaboda kubanga “nabo bwe batukwatako batuttirawo awatali kutusaasira.

Pikikipi nkwatako nnamba ssatu ezisooka eziraga obupya bwa pikipiki. Eya Mulindwa nnakwatako UER eyo gye tubuulira omugagga okumanya nti ekyali mpya”.

ENGERI GYE YAKUBA ENNYONDO;

Yalaze poliisi engeri Young Mulo gye yakwata Mulindwa akabadiya n’amukuba ku ttaka.

Yagambye nti, olwamala okumukuba ku ttaka, ye Mugisha yadduka mangu n’aggyawo pikipiki n’adduka n’akima ennyondo we baali bagikwese.

Yamenye ekiti kya muwogo n’asaba bamuteerewo omutwe gw’omuntu abalage bwe yatta Mulindwa abaserikale ne bagaana.

Yabalaze ekitaffaali n’abagamba bakimuleetere ky’aba akozesa n’akisitula n’abagamba nti “omutwe gwa fala gwali wano ne nkima ennyondo ne muggyamu ekikoofiira ne nkikasuka eri ne mmuwa.

Yalina essimu ne ngimuggyako. Mulo n’asamba pikipiki ne tugenda”. Bwe yamaze okubalaga bwe baamukuba, yabatutte we yasuula ennyondo ku kkubo eriva e Mengo okwambuka e Kabuusu.

Bino byabaddewo mu kiro ekyakeesezza Olwokuna ku ssaawa 9:00 ogw’ekiro ababbi abattannamanyika bibakwatako bwe babuuse ekikomera kya Lauben Kulumba, omusuubuzi w’engoye ku kizimbe kya Nakivubo Complex mu Kampala ne bateeka be baasanze mu nnyumba ku miguwa okwabadde n’omukuumi ne batandika okunyagulula ebintu by’omu nnyumba.

Robinah Nabbona muka Kulumba yategeezezza ng’obulumbaganyi buno bwe baabaddewo ku ssaawa 9:00 ogw’ekiro nga bonna beebase era baagenze okudda engulu ng'ababbi babatuuseeko oluvannyuma lw'okumenyi oluggi lw'emiryango.

Yagasseeko nti, ddereeva waayo, Businge Mwesigye ng’akolagana ne God Mwesigye nga bayambibwako Livingstone Mawejje makanika okuva mu Ndeeba okuliraana FACO, be babba mmotoka era ye yategeera nkeera nti mmotoka ye yabbiddwa. “Ekyasinga okutuyamba ababbi mu kupapa baasuula akapapula okwali ennamba z’essimu kwe twatandikidde ne tukwata God ne munne ne batulagirira e Kampala mmotoka gye baagitunda,” Kyaligonza bwe yategeezezza.

Yagasseeko nti, batuukidde ku poliisi emu mu Kampala kyokka ne basooka bababuzaabuza okutuusa lwe baagenze mu Flying Squad eyabayambye okugenda mu Ndeeba n’ezingako Galagi zonna.

Mmotoka ya Kyaligonza n’endala eziteeberezebwa okubeera enzibe zaasangiddwaayo nga bamaze okuzitema sipeeya nga n’ebitundu ebirala bamaze okubitunda poliisi n’ekwata buli makanika gwe yasanzeeyo.

Sipeeya wa mmotoka nnya (4) ne bamutikka ku loole bbiri ne bamutwala ku CPS nga bwe bakyanoonya ebirala. Livingstone Mawejje yategeezezza poliisi nti, mmotoka yagigula ku God Mwesige ng’era baali bakkiriziganyizza obukadde 9 n’asooka amuwaako busatu ng’endala yali waakuzimuwa ng’amaze okutunda mmotoka.

Ono yagambye nti, eno si ye mmotoka gy’asookeddeko, yaakabba ezisoba mu ttaano ng’azitema sipeeya n’asaba abalala abaabadde bakwatiddwa bateebwe. Kino kijjidde mu kiseera nga poliisi yaakamala okufulumya lipooti ku mmotoka ezaabbibwa mu 2017. Lipooti eyakolebwa Flying Squad yalaga nti, emmotoka 105 ze zaali zibbiddwa ate bodaboda zaali 109.

Omuduumizi wa Flying Squad, Herbert Muhangi yagambye nti, ekikwekweto ekyakoleddwa kyabadde kyakunyweza muyiggo gwe baliko ku babbi b’emmotoka bonna. Yagasseeko nti baakutte abantu abasoba mu 10 wabula bwe baalonzeemu, baakizudde nti abeenyigira mu bubbi buno bali basatu era be bagenda okusigaza abalala babayimbule ku kakalu ka poliisi.

Galagi zonna omwasangiddwa ebyuma by’emmotoka enzibe, byassiddwaako kkufulu n’abaserikale okutuusa ng’okunoonyereza kuwedde.

Aduumira poliisi y’e Mukono, Rogers Sseguya ategeezezza nti omuvubuka ono amannya ge bagasirikidde olw'okuba bakyaliko banne bwe babadde bakolagana naye be banoonya.

Sseguya agambye nti ono akwatiddwa mu kiro ng’ava okubba nnamba ppuleeti y’emmotoka mu kikomera ky’omutuuze ku kyalo Ssonde ng’ono y’atemezza ku poliisi n’esitukiramu n’emusanga.

Agambye nti omuvubuka ono atemera mu myaka nga 16 abaddenga aliko omugagga gw’akola naye nga kati poliisi gw’ekyagezaako okulinnya akagere.

“Ono abasirikale baamusanze ng’alina obupapula obugamba nti bw’oba oyagala nnamba ppuleeti y’emmotokayo, weereza essente ku nnamba eno. Atutambuzza mu bifo byonna gye babadde baakweka ennamba z’abantu ne tuziggyayo nga ziri wano,” Sseguya bw’annyonnyodde.

Ategeezezza nti omwana ono bazzenga bamukwata mu misango egy’enjawulo omuli okubba sikulaapu n’emirala kyokka nga bw’atwalibwa mu kkooti ng’asindikibwa e Naguru mu Remand home gye basibira abaana ng’amala ekibonerezo ng’akomawo ng’atandikira we yakoma.

Poliisi ekutte omuvubuka ono n’abakulembera ekiro ne bagenda mu byalo eby’enjawulo gye babadde batema ennamba z’emmotoka z’abatuuze ne baziggyayo ng’era 16 ze zisangiddwa mu woofiisi ya DPC.

Nb

Jjajja Omuganda agamba atya? Tozukusa mbwa yebase........

Kizza ku ddyo ng'alaga ezimu ku nnamba puleeti z'emmotoka z'abadde abba ku bannyini mmotoka n'amala n'abasaba ssente

Okumukwata, abadde atwala akapapula okuli ennamba y’essimu ye mu maka gye yabbye nnamba puleeti.

Ennamba y’essimu eno kw’alagira b’abbyeeko nnamba puleeti okusindikako ssente alyoke agibaddize! Hassan Ssekitoleko 20, omutuuze w’e Maganjo ku Lukadde aludde ng’anoonyezebwa poliisi ku bubbi bwa nnamba puleeti ye yakwatiddwa.

Ssekitoleko yasooka kuyingira mu kikomera ekimu n’asumulula nnamba puleeti UAU 801A ku mmotoka ya Hassan Hushan n’eya Vincent Kizza nnamba UAW 797T ab’e Jinja Kalooli.

Okuva lwe yabba nnamba puleeti zino abadde ateeka Kizza ne Hushan ku nninga bamuwe ssente abalagirire ekifo we yateeka nnamba puleeti z’emmotoka zaabwe.

Kizza, omukozi mu kitongole ky’obwannakyewa ekya PACE, yategeezezza nti, “Tuludde nga twemulugunya ku bubbi bwa nnamba puleeti mu kitundu kyaffe naye nga tetulina gwe tukwata kyokka ng’omuntu atubba alekawo ennamba y’essimu y’emu eri ku 0704431635.

Asaba ssente eziri wakati wa 50,000/- ne 100,000/- okutulagirira nnamba puleeti zaffe we ziri.

Yagambye nti nnamba puleeti ye n’eya muliraanwa we Hushan zabbiddwa mu biseera by’ennaku enkulu ne baggulawo emisango ku fayiro nnamba SD:REF 25/28/12/2017 ne SD:REF 20/28/12/2017 ku poliisi ye Kawempe.

Abatuuze balumirizza Ssekitoleko okuba mu kibinja ky’abamenyi b’amateeka abaabamazeeko emirembe mu biseera by’ennaku enkulu.

Ng’ali ku poliisi, Ssekitoleko yakkirizza okubba nnamba puleeti ku mmotoka z’abantu n’agamba nti abadde yaakabba nnamba puleeti ttaano.

Oluvannyuma yakulembeddemu poliisi n’abatwala mu bifo gy’abadde akweka nnamba puleeti z’abbye.

Yabawadde n’olukalala lwa banne ababba nnamba puleeti ku mmotoka n’asaba poliisi emusonyiwe kubanga yababuulidde amazima n’atabatawaanya. Poliisi yamuggalidde ng’alindiridde kutwalibwa mu kkooti.

Nb

Munsi ezikola emmotoka zino abantu bakwewunya bwebakulaba nga osumululako number plate kummotoka. Bakulaba nga atuuse okusumulula kumotoka zaabwe ebipampagulo obitwale obiguze abakola esigiri! Mpozzi nga ennaku zino governmenti ya Uganda nga bweli mumawulire amangi enyo nga nayo yeyiya, nabano abaana ababbi bali mukweyiya.

Omwogezi wa Poliisi mu ggwanga, Emilian Kayima ng'alaga ezimu ku mmotoka ezaanunuddwa ku babbi

POLIISI ya Flying Squad ekoze ekikwekweto mw'ezuulidde emmotoka 36 ezibadde zabbibbwa ku bannyinizo mu bitundu bya Kampala n'emirirwano.

Kino kiddiriridde poliisi okufuna emisango egyekuusa ku bubbi bwa mmotoka mu Kampala n'emiraano, ekyagiwalirizza okusitukiramu n'ekola ekikekweeto okuzizuula.

Omwogezi wa poliisi mu ggwanga, Emilian Kayima yagambye  nti okuva mu mwezi gwa August okutuuka mu November mmotoka 136 zabbiddwa mu kitundu kya Kampala n'emirirwano wabula abasirikale ba Flying squad ne basitukiramu okuzinoonya era baakazuulako 36.

"Waliwo okusomooza ku ku bubbi bwa mmotoka  obukudde ejjembe naddala mu Kampala n'emirirwano wabula abasirikale baffe tebatudde, bazinoonya era ezimu zizuuliddwa,"  Kayima bwe yagambye.

Yagambye nti oluvannyuma lw'okuzuula mmotoka zino poliisi ekyabuliddwako bannannyinizzo, bakyatubidde n'emmotoka 25  olw'okubulwako bannyinizo.

Yategezezza nti obukoddyo ababbi bwe bakozesa okubba mmotoka ensangi zino mulimu okulondoola ebifo mwezisimbiddwa nga ku mabaali g'enguudo, okuyingira mu bikomera ne bazibbayo, okuzipangisa oluvannyuma ne bazibuzaawo ne bazitunda e Congo, South Sudan ate endala ne bazitwala mu galagi gye bazitemamu sikulaapu oba sipeeya.

Yagambye nti ekiremesezza okuvunaana ababbi ba mmotoka mu kkooti kwekuba nti obujulizi bubuka olw'abantu be bazibbako obutayagala kugenda mu kkooti okubawaako obujulizi obubaluma, ekibawa ekyanya ne bateebwa ate ne bakomawo ne batandikira we baakoma.

Kayima yasabye  ababiddwaako mmotoka okwanguwa okuloopa ku poliisi nga balina ebiwandiiko ebizikwatako kiyambe mu kusasaanya amawulire mu bwangu.

Nb

Banange wano e Buganda okukyusa amanya ga nanyini motoka kizibu ddala. Kiyinza nokutwala emyaka. Ye no bwotekako nabano abaana ababbi ba registration number negubula asala. Ekivaamu nga emotoka otereka waka. Nga otambuza taxi oba boda boda. Kale ye omubbi akusemberera mumotoka yo nga okugamba nti tolina na bwananyini bwa motoka era eno emotoka yiye. Akusonze mu emundu. Eno ababbi banne 3 nga bayingira motoka ne mundu nti vuga tugende ku police tukulope bwewabba emotoka yaffe. Tuli mukufa banange bwotabalekera motoka nebatwala!

Emotoka aba URA nabo tebakiriza kuteeka manya gananyini motoka ku Registration card. Bateekako ga agent akuletede emotoka. Mbu okomawo mumwezi gumu ne agent wo nemitwalo 50 Uganda shillings okukyusa amanya ga nanyini motoka. Wano wempera Police amagezi. Bagende mu Uganda Revenue Authority banonye ba agent abatekebwa ku motoka nga bananyini zo.

Bino bitama munsi enjavu etakola motoka neyetekesawo amateeka agatalimu makulu.