Amaka ga Ben Kiwanuka ge baamenye.

EBYOBUGAGGA bya Ben Kiwanuka eyali Ssaabalamuzi wa Uganda era Pulezidenti wa DP, omuli ettaka, amaka ag’ebbeeyi e Lubaga, Masaka ne Kampala bamanerenda ababanja famire basuliridde kubitwala.

Bamanerenda baasoookedde ku maka amakulu era ag’ebyafaayo agabadde e Nalukolongo ku Musigula ne bagakoona ne gagwa ku ttaka oluvannyuma lw’omusika wa Ben Kiwanuka, Maurice Peter Kagimu Kiwanuka eyaliko Minisita era omubaka wa Palamenti akiikirira Bukomansimbi, okwewola ssente ne zimulema okusasula.

Bawannyondo ba kkooti baagenze n’ebimotoka biweetiiye ku Lwokutaano lwa wiiiki ewedde ne basenda amaka agabadde gapangisibwa ekibiina ky’amawanga amagatte ekivunaanyizibwa ku banoonyi b’obubudamo ekya UNCHR.

Ekyasinze okwewuunyisa be bawannyondo okumala ennaku bbiri, ku Lwokutaano ne ku Lwomukaaga nga basenda amaka ga Ben Kiwanuka nga tewali abakuba ku mukono era Kagimu Kiwanuka teyalinnyeewo kubaako ky’akolawo okubatangira.

Bwagenze okuziba ku Lwomukaaga ng’agabadde amaka ga Ben Kiwanuka kifuuse kyangaala era amalaalo ya muka Ben Kiwanuka, Maxencia Zalwango gaasigadde mu bbanga. Loodi Meeya Erias Lukwago ye yadduse n’ataasa ebintu bya Ben Kiwanuka eby’omugaso okuli ebiwandiiko, ebitabo n’emmotoka ye eyali yafuuka eky’obulambuzi.

Amaka gano agabadde ku bugazi bwa yiika nnamba n’omusobyo nga we wali n’amalaalo ga Nnamwandu wa Kiwanuka, Maxencia Zalwango Kiwanuka eyaziikibwawo mu 1992, gaasigadde mu bbanga ng’abantu batya nti abaasenze ennyumba nago bagenda kugasenda. Kagimu Kiwanuka bwe yatuukiriddwa eggulo yasoose kussa kikkowe oluvannyuma n’asaba omusasi ono okumukubirako mu ddakiika 40 kyokkabwe zaaweddeko n’amukubira teyazzeemu kukwata ssimu.

Amalaalo ga mukyala wa Ben Kiwanuka, Mexencia Kiwanuka agaasigadde mu bbanga.

Kyokka ensonda zaategeezezza nti Kiwanuka yali yeewola ssente okuva owa Manerenda eyategeerekeseeko erya Mugabo era ssente zibadde zitutte ebbanga ddene nga we baasendedde amaka ng’ebbanja likunukkiriza mu kawumbi.

Atwala ebyokwerinda mu Zooni eno, Yoweri Yawe yagambye nti, tewali nkaayana yonna ku ttaka ly’omugenzi Ben Kiwanuka wabula Kagimu ye yasalawo okulitunda era bawannyondo baabatuukiridde nga tebannakoona nnyumba ne babalaga empapula ezibawa olukusa nga ntuufu. “Twabalagira okusenda ng’obudde misana era baatandise ku Lwokutaano ne bamaliriza ku Ssande nga tewali yavuddeyo kukaayana era tewaabaddewo wadde poliisi”, Yawe bwe yannyonnyodde. N’agamba nti aba famire ya Kiwanuka babadde tebabeera mu maka gano wabula nga bagapangisa abanoonyi b’obubudamo okuli bannansi ba Somalia ne Ethiopia.

EBYOBUGAGGA EBITUNDIDDWA

• Amaka ag’ebbeeyi e Kololo ku Wampeewo nga waaliyo amayumba ga mirundi ebiri okuli eyali ku Plot 5 ne 6 nga gano gombi gaatundibwa.

• Ettaka lya yiika 20 e Munyonyo lyatwalibwa.

• Big Ways mu Ndeeba. Eno yatwalibwa abantu ba mirundi ebiri oluvannyuma lw’okusingibwa mu bamanerenda.

• Amayumba amalala ga mirundi ena okuliraana Plan B nga wano we wali n’amaka Kagimu mwasula nago ebyapa byago tebakyabirina nga byasingibwayo. Engeri kagi mu gye ya funamu obuyinza ku bintu Abaana b’omugenzi Ben Kiwanuka okuli; Regina Kiwanuka (abeera London), Musoke Kiwanuka, KagBano baasalawo okukuba akalulu ku Kagimu ne Musoke akalulu ne kawangulwa Kagimu n’atwala obuyinza kubintu.

Amaban ja ga Kagi mu Mu kiseera we baamulondera, Kagimu Kiwanuka yali asoma bwafaaza wabula bwe yamala okusika n’alagirwa Kalidinaali omugenzi Emannuel Nsubuga obuteeyongerayo kumaliriza kubanga yali ayolekedde obuvunaanyizibwa bw’okuzimba ekika kye. Mu kiseera kino yali talina kyakola kwe kuyingira ebyobufuzi mu kibiina kya DP, kitaawe kye yakulemberako.

Ebyobufuzi byamuleetera okutandika okwewola ssente engeri gye yali talina mulimu nga talina waggya ssente kwe kutandika okugenda nga yeewola ku bamanerenda. Ssente zaawera okutuuka bwe baatandika okutwala ebintu bye.

BEN KIWANUKA Y’ANI •

Amannya ge mu bujjuvu ye Benedicto Kagimu Mugumba Kiwanuka

• Yazaalibwa mu 1922 ku kyalo Kisabwa, Bukomansimbi. Kitaawe yali munnaddiini omukuukuutivu nga naye yali ayitibwa Kiwanuka

• Yasoma amateeka mu Pius XII University College Basutoland mu Lesotho okuva 1950 okutuuka 1952.

• Yeenyigira mu ssematalo owookubiri ng’ali mu kibiina kya African Pioneer Corps ekyamuleetera okukolerako mu mawanga omwali Kenya, Misiri ne Palestine era olutalo we lwaggweera ng’atuuse ku ddaala ly’amagye erya Ssaajenti Meeja n’agawummula.

• Bwe yamala okusoma yakomawo mu Uganda n’atandika okukola nga munnamateeka eyeekozesa okuva 1956 okutuuka mu 1959.

• Mu kulwanirira okufuna obwetwaze mwe mwava okutandikawo kw’ekibiina kya Democratic Party (DP) era Kiwanuka n’afuuka Pulezidenti waakyo mu 1958. Olw’okuba omuyivu mu by’amateeka kyamwanguyiza okuyingira ebyobufuzi n’afuuka munnabyabufuzi ow’amaanyi.

• Mu kalulu akaasooka okukubwa mu 1961, waaliwo ebibiina by’obufuzi bibiri DP ne UPC era DP kyafuna ababaka abasinga obungi mu lukiiko lwa Legco. Kiwanuka yalonda Gavumenti eyasookera ddala nga July 1, 1961.

• Nga March 1, 1962 Kiwanuka yafuulibwa sKatikkiro wa Uganda eyasooka.

Teddy (ku ddyo) lwe yagenda mu kkanisa ya Bugingo (wakati mu ssuuti) nga bamaze okutabuka.

Abamu naddala abakulu baavaayo era kigambibwa nti baali baasalawo kukuhhaanira ewa Paasita Tom Mugerwa ow’e Mutundwe. Kati kiteeberezebwa nti bano Teddy kw’agenda okutandikira avuganye butereevu ne bba mu kulyowa emyoyo gy’abantu.

AYISE ABANENE

Okusinziira ku kiwandiiko Teddy kye yafulumizza, aliko abanene ab’enjawulo b’awandiikidde amabaluwa ng’abayita okumwegattako mu lukiiko olw’enjawulo lw’ategese ku Hotel Triangle ku Buganda Road, nga January 4, 2020 era luno lw’alangirira mu butongole enteekateeka ze.

Omu ku bayambi ba Teddy ataayadde kwatuukiriza mannya (kuba takkirizibwa kumwogerera mu butongole) yakakasizza nti kituufu Teddy atandise ekkanisa ye.

“Teddy amaze ebbanga nga yeefumiitiriza ssaako n’okusaba yekka era oluvannyuma mwoyo n’amuluhhamya okutandika ekkanisa eyiye okwongera okukuza obulamu bwe obw’omwoyo,” bwatyo bwe yakakasizza.

Teddy twamukubidde essimu ezimanyiddwa naye we twagendedde mu kyapa nga tannazaanukula.

Mu kusaba kw’ategese ku ntandika y’omwaka, mw’agenda okutuuza olukiiko olunaatema empenda ku ngeri gy’okutandikamu ekkanisa, erinnya ly’eneeyitibwa, ekifo w’enaabeera n’ekiseera w’eneetandikira. Kigambibwa nti enteekateeka zonna Teddy azitaddemu mikwano gye ab’oku lusegere okuli Charles Kyomu, Charity Agaba, waliwo ayitibwa Doreen, nga bano yavudde nabo ewa Bugingo.

YASEMBA DDI OKUGENDA EWA BUGINGO

Teddy okusalawo okutandika ekkanisa ye kiddiridde okukomya okugenda ewa Bugingo owa House of Prayer Ministries International e Bwaise ku Canan Land e Makerere mu September w’omwaka guno.

Yadde Teddy yatabuka ne Bugingo mu ngeri ey’olwatu mu May, ennaku ezimu yasigalanga agenda ku kkanisa naddala ku Ssande n’asinzizaayo.

Ensonga eyasinga okumutabula ye bba Bugingo okusinziira mu kusaba kw’ekiro okumu n’amulangira obulwadde bw’ekikulukuto mu lujjudde ekintu ekyanyiiza ennyo abakyala okutuusa Bugingo lwe yeetonda.

AKULIRA ABALOKOLE BY’AGAMBA

Omu ku bakulira ekkanisa z’Abalokole mu Uganda, Paasita Dr. Joseph Sserwadda ow’amakanisa ga Victory, yategeezezza Bukedde, nti omuntu okutandika ekkanisa, basooka kumusomesa mu Bible School, okumala omwaka mulamba.

“Emitendera egiyitibwamu omuntu ng’atandikawo ekkanisa mingi naye siyinza kugigendamu nnyo naddala ng’ensonga ekwata ku bufumbo bwa Bugingo ne mukazi we,” Sserwadda bwe yategeezezza.

BUGINGO NE TEDDY BATTUNKA MU KKOOTI

Bugingo yaddukira mu kkooti ng’ayagala ebagattulule ne mukazi we Teddy Naluswa, kyokka Teddy n’agezaako okukisimbira ekkuuli ng’ayita mu kkooti yeemu.

l Mu September 2019, Omulamuzi wa kkooti ento ey’e Kajjansi, Mary Babirye, Teddy yagoba okusaba kwa Teddy, kwe yali yassaayo ng’awakanya eky’okugattululwa bwatyo ne yeeyongerayo mu kkooti enkulu.

l Bugingo ne Teddy bamaze emyaka 29 mu bufumbo era gye buvuddeko Bugingo yasaba kkooti ebagattulule wabula Teddy n’ategeeza omulamuzi nti talina buyinza buwulira musango guno kubanga gulimu ebyobugagga ebiri mu kawumbi ng’ate amateeka agafuga abalamuzi ba kkooti ezaawansi balina kukoma ku misango gitasussa bukadde 50.

l Omulamuzi Babirye bwe yali asala ensonga yategeeza nti agenda kuwulira omusango kubanga ensonga eri mu ddiiro ya kubagattulula era amateeka gamukkiriza era bwe kinaatuuka ku kugabana ebyobugagga ensonga asobola okugiweereza omulamuzi omulala alina obuyinza.

Kati kino Teddy ky’awakanya nga mu kujulira kwe awadde ensonga kw’asinziira obutakkaanya na mulamuzi Babirye omuli okugamba nti ensonga y’ebyobugagga bye bakoze bombi si nkulu mu misango gy’okugattululwa.

l Teddy asabye kkooti esazeemu ensala y’omulamuzi Babirye yonna era omusango gwa Bugingo okubagattulula gugobwe.

l Teddy agamba nti takkiriziganya na kyakugattululwa kubanga baafumbiraganwa era Mukama ky’agasse tewaliba akyawula.

Ekkanisa Ntege gyabadde aweererezaamu e Bungereza. Mu katono, Rev. Ntege ne mukazi we Elizabeth.

Ebintu bimwonoonekedde ekkanisa ya Bungereza bw’emwambudde ne bamulagira okwamuka ofiisi mbagirawo n’okukomya okukola emirimu gy’ekkanisa ng’okukulembera okusaba oba okugatta abagole.

Okugoba Ntege y’entikko y’emisango olukunkumuli egyamutwaza mu kkooti mu 2011 nga kigambibwa nti yali akozesa ekifo kye okugatta abagole b’ekicupuli ng’ekigendererwa kyabwe kufunirako butuuze.

Ntege bamulumiriza nti yali aggya ssente ku baagala okufuna obutuuze ne bapanga obufumbo obutukuvu wadde ng’abamu ku bagattibwa tebaali bafumbo batuufu wabula ekikolwa ky’okubagatta  kyali kigenderera kufuna bbaluwa ze batwala mu Gavumenti okufunirako obutuuze.

Ntege we baamutwalira mu kkooti yali agasse emigogo egigambibwa okuba mu 500, wadde ng’obujulizi obwatwalibwa mu kkooti bwa migogo 50 gye yaggyako ssente paundi za Bungereza emitwalo musanvu (70,000) n’atazitwala mu ggwanika lya kkanisa.

Kyokka abajulizi mu musango guno baakubagana empawa, olwo looya wa Ntege n’akuba ebituli mu bujulizi bwabwe nti bwalimu obulimba. Omulamuzi kwe kugoba emisango mu 2014. Kyokka ekkanisa n’essaawo okubuuliriza okwayo. Ku Lwomukaaga akawungeezi Omulabirizi wa Croydon

Sothwark, The Rt Rev. Jonathan Clarke ng’ali ne Ssaabadinkoni Chris Skilton baagenze mu maka ga Rev. Ntege ne basangayo n’omulabirizi w’e Kampala, Hannington Mutebi ne mukazi we nga batutte ekiwandiiko ekigoba Ntege mu kkanisa.

Kigambibwa nti abaana ba Rev. Ntege  baagezezzaako okutangira Omulabirizi obutagezaako kuyisa mu kitaabwe maaso mu maka ge era omulabirizi n’ava mu mbeera n’ababoggolera. Kyokka ekiwandiiko ekiyimiriza Ntege kyamuwaddeyo omukisa 

okujulira mu nnaku 28. Ntege yava e Namirembe mu 1997 n’agenda e Bungereza. Ekkanisa ya St. Jude ne St. Aidan’s Church mu Thomton Heath, South London yamuwa omulimu gw’Obwawule (Vicar)mu 2002 era n’aweebwa obuvunaanayizibwa bw’omuwandiisi w’ekkanisa (registrar).

Yaweebwa layisinsi ey’enjawulo “Crown Licence” eno agirina takyusibwa wadde okuggyibwa mu nju y’omulimu. Akakiiko  k’ekkanisa (Tribunal) akaaanoonyerezza ku Ntege kaakuliddwa Steven John.

Lipoota y’akakiiko eraga nti Ntege yazza emisango gya nnaggomola bwe yakozesa obubi ekifo kye n’assa ekkanisa awazibu bwe yagyeyambisa okumenya amateeka ga Gavumenti ya Bungereza ng’ate Gavumenti n’ekkanisa bali bumu.

Akakiiko kanenya abakulembeze b’ekkanisa okuwa Ntege obuvunaanyizibwa obusalawo ku by’okugatta abagole nga tasoose kusindikibwa mu ttendekero ly’amateeka, y’ensonga lwaki ajuliza nnyo enkola ya Uganda ekubiriza abafumbo okugattibwa so nga e Bungereza baagala kugatta 

abo bokka abatuukiriza amateeka g’ekkanisa n’ag’ensi. Baawadde ekyokulabirako nti ekkanisa ya Ntege we yagigenderamu yali egatta abagole bataano bokka. Kyokka Ntege abadde agatta abagole 10 buli wiiki ng’ennaku ezimu agatta emigogo ebiri olunaku.

Okutandika okumubuusabuusa, ofi isi ya Gavumenti ekola ku by’obufumbo yamala kwemulugunya ku kkanisa ya Ntege eyali egasse abagole 57 omwaka n’essaawo likodi mu Bungereza yonna. Kyokka ababuuliriza ku Ntege 

baalaze nti wadde abadde munafu nnyo mu kutaputa amateeka ga Bungereza kyokka asitudde nnyo eby’ensiza.

Abuulira enjiri erimu obulamu mw’atabika okuyimba n’okutendereza mu ngeri esikiriza Abakrisitaayo ne beeyongera okujja mu kkanisa.

Obuganzi bwe yafuna olw’enkola ye ey’emirimu bwe bwavaako Omulabirizi okumuwa ekifo. Kyokka akakiiko kanenya Omulabirizi nti yandikomezza Ntege ku kubuulira mu Kkanisa n’atamuwa mirimu gya kikugu egya Registrar, ateekwa okuba kafulu mu kutegeera n’okutaputa amateeka ga Bungereza.

Omulamuzi Nic Madge bwe yali agoba emisango gya Ntege yagamba nti kyali tekitegeeza nti Ntege teyazza misango. Kyokka obujulizi obumu bwali buyinza okuggyisaamu kkooti obwesige.

NTEGE NAYE YEERWANYEKO

Nga November 11, 2019, Ntege agambibwa nti alumizibwa amagulu era ali ku miggo, yagguddewo omusango ku Croydon Police e Bungereza oguli ku nnamba 3037660/19 ng’awawaabira Obulabirizi bw’e Southwark okujingirira ebiwandiiko ne bateekako omukono gwe basobole okumusingisa omusango gw’okukumpanya paundi £60,000 nga bagamba nti abagole be yagattanga be baazisasula kyokka tezaatuuka mu ggwanika.

Yategeezezza poliisi nti yabadde talabanga ku kiwandiiko kino era si ye yakiteekako omukono wabula yeekanze mu kakiiko ke baataddewo okumunoonyerezaako nga bakireeta ng’obujulizi.

Era ne kawa ensala yaako nga Novermber 27, 2019. Ruth Marvel Nathania Ntege muwala wa  Ntege mu sitetimenti gye yakola ku poliisi, yalaga ebizibu bye baayitamu okumala emyaka munaana nga babayigganya. 

Yanokolayo ebyaliwo nga June 4, 2011, nti engeri poliisi gye yayisaamu kitaawe nga bamulengezza n’okumutyoboola mu maaso ga famire ye n’abantu abalala kyamuyiga nnyo obulamu bwe ne bukosebwa n’okusoma ne kumulema.

Ate mu April 2014, omusango mwe baavunaana kitaawe gwalagibwa butereevu ku ttivvi  era yagenda okutuuka ku ssomero ng’abaana bamusongako nga bamugeya.

Mu 2011 yalina emyaka mwenda kyokka ekimwennyamiza nti okutuusa kati nga wa myaka 17 akiraba nti omusango gukyalondoola kitaawe okumuteekako ebbala ery’olubeerera.

Elizabeth Ntege mukyala wa Rev. Ntege naye yakola sitetimenti ku poliisi n’alaga engeri poliisi gye yazingako amaka gaabwe ne babassa mu kisenge kimu kyokka nga kirimu abaserikale abakutte empingu.

Yannyonnyola nti birimu empalana, okusosola olwa langi yaabwe kubanga Baddugavu n’okuyigganyizibwa.

AB’EKKANISA YA UGANDABOOGEDDE:

Famire ya Ntege yategeezezza  nti Obulabirizi bwa West Buganda bubadde butegeka okuwa Ntege ekitiibwa kya Canon nga December 15, 2019.

Wabula Omulabirizi Rt. Rev. Henry Katumba Tamale yategeezezza Bukedde nti bwe babeera bagaba obukulu bakissa mu buwandiike. Awatali bbaluwa olwo luba lugambo.

Rev. Ntege musawo w’amaaso eyakoleranga mu Uganda Protestant Medical Bureau gye yava okufuuka omwawule n’atuuzibwa mu lutikko e Namirembe.

Canon Nelson Kaweesa omuwandiisi w’Obulabirizi bw’e Namirembe yategeezezza Bukedde nti Ntege yava mu Uganda mu 1997 era mu kiseera kino Church Of England y’emutwala.

Abamu ku bali ku lusegere ne Rev. Ntege bagamba nti okumugoba mu kkanisa kumuli okumukwatirwa obuggya olw’ekifo ekisava, Abazungu okumusosola olw’okuba Omuddugavu n’okwagala okumuggyawo batunde ebintu by’ekkanisa. Ntege yagobeddwa mu kkanisa ya St. Jude mu London wiiki ewedde.

Kyokka ekkanisa yagambye nti okumugoba yasinzidde ku bujulizi bwe yafunye ng’abvadde akozesa ekifo kye okugatta abagole abatalina bisaanyizo n’abalyako ssente ate n’assa mu kkanisa awazibu kubanga abagattiddwa bakozesa satifikeeti y’ekkanisa okufunirako obutuuze e Bungereza.

Ekkanisa egamba nti wadde kkooti yagoba emisango gya Ntege kyokka gyagobwa lwa bujulizi, kkooti bwe yagamba nti bwali buyinza okugiggyisaamu obwesige. Era yo ekkanisa bwe yakozesezza akakiiko kayo kaazudde nga Ntege emisango yagizza.

“Ssinga gubadde omusangu gumu osanga kikkiriza nti bamuwalana. Naye emisango giri mu 100. Ntege alina omukisa okujulira ebyasaliddwaawo ne bikyusibwa”, ekkanisa bwe yategeezezza.

Kyokka abooludda lwa Ntege  bagamba nti abadde muweeereza e Bungereza emyaka 18. Obuzibu yabufuna mu 2011, Omulabirizi eyaliwo bwe yakyusibwa ne bafuna omuggya eyeewuunya engeri Omuddugavu gye yafuna ekifo ekyo n’assibwako n’ebintu ebimuwa enkizo okuli ennyumba gy’atateekwa kuggyibwamu wadde okukyusibwa okuggyako nga basoose kuteesa.

Kigambibwa nti kkooti bwe yagoba emisango gya Ntege mu 2014, Omulabirizi yamuwa amagezi alekulire ku lulwe kyokka Ntege n’agaana era okuva olwo babadde tebakolagana.

Waliwo ebigambibwa nti mu kwagala okuggyawo Ntege, ekkanisa yagingirira ebimu ku biwandiiko ebyakozeseddwa okumulaga ng’omulyake.

Ntege ye Munnaddiini atali Muzungu asinga eddaala erya waggulu e Croydon bukya Rev. Dan Kajumba awummula. Atwalibwa ng’omukulembeze wa Bannayuganda mu London n’abamu ku bava mu mawanga amalala.

Bangi ku betaaga obuyambi we batuukira okutuusa nga beetereezezza. Kyokka n’abamu ku bava mu Uganda batuukira ewa Ntege olw’ekitiibwa kye n’okuba ng’amanyi era asobola okuwabula ku by’e Bungereza.

Omulabirizi Mutebi ajjanjabirwa e Bungereza ne mukyala we naye yatuukira wa Ntege.

Omulabirizi Kityo Luwalira (wakati), Mukyala we Faith Luwalira (ku ddyo) ne Rev. Canon William Ongeng nga bali mu kutendereza.

OMULABIRIZI w’e Namirembe, Rt. Rev. WilberForce Kityo Luwalira avumiridde ababuulizi b’enjiri abatayagala kukola n’akuutira Abakristaayo okweggyamu obunafu bakole nnyo ensangi zino obudde baleme kubumalira mu kusaba kwokka n’okukoleramu ebitagasa.

Bino yabyogeredde mu lukung’aana lw’enjiri e Namirembe olwategekeddwa ekitongole ekibuulizi ky’enjiri ekikulemberwa Rev. Samuel Muwonge era ng’olukung’aana luno lwetabiddwaako abantu ab’enjawulo okwabadde Minisita Beti Namisango Kamya, sipiika w’olukiiko lwa Buganda, Patrick Luwagga Mugumbule, Ven Jonathan Kisawuzi nga ye Ssaabadinkoni w’e Ntebe, Ven. Godfrey Buwembo, Canon Benon Kityo n’abaweereza abalala.

Bp. Luwalira yennyamidde olw’abantu okulowooza nti bwe balokoka buli kimu kibeera kiwedde ne beerabira okukola emirimu egibayimirizaawo. Yakubirizza ababuulizi b’enjiri nti babuulire abantu enjiri ey’okukola.

Yagambye nti abalokole balina okunyweza ekigambo ky’okukola kuba omuntu asabiriza atama. Yayongedde n’akuutira abantu okukomya okwemanyiiza ebikolwa ebitali bya Bwakatonda omuli okuwemula, obwenzi n’obubbi kuba bijja kubatwala mu kuzikirira. Yakuutidde Abakristaayo okutya Katonda n’abawa ekyawandiikibwa ekya Timoseewo 4:7 n’agamba nti kino kijja kubayamba mu biro bino n’ebirijja nga batuuse mu Bwakabaka bwa Katonda.

Yavumiridde omuze abantu ogw’okwonoona amannya g’abalala nga bayita ku mikutu gya yintaneti. Ven Jonathan Kisawuzi yavumiridde abawasa abakazi abasukka mw’omu n’akuutira Abakristaayo okwewala okwonoona eri Katonda ng’omubala gw’Obulabirizi ogw’omwaka guno.

Rev. Samuel Muwonge akulira ekitongole ekibuulira enjiri e Namirembe yakuutidde abantu okukomya okuzanyisa Katonda nga bamugezesa obusungu bwe olw’ebikolwa ebitali bya butuukirivu bye bakola. Yakuutidde abantu okuteeka obulamu bwabwe eri Katonda n’ensonga zaabwe zonna kubanga Mukama talemererwa. Barbara Katende Kivumbi, omusomesa w’ebyobusuubuzi n’amateeka e Makerere yakubirizza abantu okukozesa ssente ze bafuna okwetandikirawo emirimu egy’enjawulo basobole okufuna ku ssente.

Yagambye nti ensonga ezisinga okutabula abafumbo ziva ku ssente n’akuutira abafumbo okuteekawo bizinensi y’amaka gaabwe kino kibayambe okufuna ssente ezimala era kikendeeze ku butabanguko mu maka. Yakuutidde ababuulizi b’enjiri okusomesa abantu okwekolera n’okuteekerateekera obulamu bwabwe obw’omu maaso.

Nb 

Tetuyinza kwelabira Abazunga abaleeta ebyeddiini zino enzungu. Bwebabulira nga enjiri nga bayita mumateeka gensi, ate nebaleeta wo amalwaliro, amasomero era nebyobufuzi nga babiyingiramu okulaba nga Abakkiriza baabwe baganyulwa mukufugibwa kwabebyobufuzi. Tuwulira nti nettaka eryawebwa amaddiini gano mu Buganda kyali kulaba nga ebitekebwa kumattaka gano biganyula abantu ba Buganda bonna so si kulitunda kukola sente nakugaggawaza abakulembeze bamaddiini gano!

Abakristayo bandyagade okumanya ebisingako awo kukibiina ekibuulira enjiri ekikulemberwa Mr Muwonge. Teri mutuuze wa Uganda atamanyi babulizi banjiri mumakubo, mumakanisa gabwe agenjawulo, ekiro nemisana buli lunnaku. Era governmenti ababulizi benjiri bano ebawa charity ngabagisabye, nobutasasula musolo nga bakola emirimu gyabwe. Era abamu abatuuze ababulira enjiri bagagga nyo nga nebyemirimu egivaamu sente nebyomusolo okusasula mu Uganda Revenue Authority tebibatawanya nakamu era tebagala kumanya.

Ekisanye okukolebwa mubwangu nga mwe abekanisa ababulira enjiri ya Isa Masiya eyamazima kwekufunira abantu ba Uganda welfare state. Kubanga abagagga abali munsi eno basobolera ddala okusasulira abaavu obuyambi bwebasaba buli budde nga nobukunkumuka obuggwa wansi wemeeza zabagagga, abaavu bano tebasobola nakubufuna. Kibi nyo, era Setani.

Mukulu Luwalira nkukakasa nti omuntu asabiriza atama. Era ne mukitabo ekitukuvu omuntu oyo mwali. Era kiruma nyo nti ate bweyaffa omusabiriza ono nagenda eri eyamutonda ate yagenda okutunula ebbali nga abagagga beyali asabiriza obukunkumuka obwaali bugwa wansi we meeza nga balya embaga zaabwe munsi, ate nga bali mumuliro gubokya okukamala. Bamukabira abawe kumazzi banywe nga enyonta ejula okubatta nabagamba nti banange nga nange sikyasobola kubatuukako nga bwekyaali munsi!

Katikkiro ng'asika Ssaabasumba mu mukono.

KABAKA w'ensi Buganda asabye Klezia eyongere amaanyi mu nteekateeka ezigenderera okutumbula enkulaakulana mu Buganda era Obwakabaka bwetegefu okugikwatizaako mu ngeri yonna esoboka okulaba ng’abantu babeera mu bulamu obweyagaza ng’ate bwe batendereza Omutonzi waabwe.

Obubaka buno bwaweereddwa Katikkiro Charles Peter Mayiga bwe yabadde omugenyi omukulu ku mukolo gw’okujjukira ensisinkano ya Ssekabaka Muteesa I n’Omuminsane Fr. Simeon Lourdel Mapeera ku Lwokuna February 22, 2018 mu Lutikko e Lubaga.

“Kabaka ayagala enkulaakulana yeeyongere mu Buganda era asaba Klezia ebeere kitundu egende mu maaso ng’etwala enkulaakulana gy'ezze ekola bukya etandika mirimu kuno kubanga bw’otunuulira embeera mwe tuli, Klezia ekoze ebintu bingi ebikyusizza obulamu bw’abantu b’eggwanga lino okuli ebyenjigiriza, amalwaliro kyokka ekikulu olw’enkolagana y’enjuyi zombi, ettaka erisinga klezia kw’ekolera lyaweebwayo Kabaka,” Mayiga bwe yayogedde eri Abakristu.

Ensisinkano eno yaliwo February 23,1879 mu Lubiri lwa Muteesa I nga lwali Lubaga mu kifo kyennyini awatudde Lutikko. Omukolo gwajjukiddwa wansi w’Omulamwa “Eklezia Katolika n’Obwakabaka bwa Buganda 1879-2018:Tukwatire wamu mu kuweereza abantu ba Katonda” bwatyo Mayiga n’ategeeza nti ebigendererwa by’Obwakabaka ne Klezia bye bimu era ne yeebaza Ssaabasumba Dr. Cyprian Kizito Lwanga olw’okuvangayo ku buli nsonga ezinyiga Obwakabaka. “Ku lw’Obwakabaka nneebaza Ssaabasumba Lwanga olw’okuvangayo ku nsonga enkulu ezinyiga Buganda ate n’okwagala Kabaka we ng’Omusajja eyeddira emmamba.

Nneebaza Ssaabasumba n’abamuyambako olw’okubbula ekaddiyizo lya Klezia mu Ssekabaka Muteesa I,” Mayiga bwe yeebazizza Ssaabasumba. Ye Dr. Lwanga yategeezezza nti enkolagana wakati wa Klezia n’Obwakabaka ezze yeeyolekera mu bintu bingi bwatyo n’atendereza Muteesa I olw’okukkiriza Klezia okutandika okubuulira enjiri.

ABAKULISITAAYO abeegattira mu kibiina eky'okusinza mu Luganda e Waterloo ne Manchester ku ssande ewedde beegasse wamu mu kusaba okw’ennyimba n’ebitundu okwaniriza amazaalibwa ga Mukama waffe Yesu Kristo.

Okusinza kuno okwabadde okwebugumu kwabadde mu kkanisa ya St. John’s Church e London Waterloo era nga kwakulembeddwa omusumba Rev. Dr. Godfrey Kaziro ng'ayambibwako ababuulizi, Ester Kawooya ne Alex Mutyaba, Ssentebe era Omuwanika Timothy Musajjakawa, omukubi w'ennanga Michiah Mukiibi wamu n'omuyimbisa Timothy Kimuli

Abaweereza abalala abeetabye ku Kusinza kuno mwabaddemu, Revd. Stephen Nshiimye akulira Okutendereza mu Luganda ku St. Alfege e Greenwish wamu ne Ssabadikoni w’ekitundu The Venerable Simon Gates eyabadde omugenyi omukulu.

Ate bbo abakristaayo be Manchester bakulembeddwa Omukubiriza,Omukungu Enock Mayanja Kiyaga, omubuulizi Isaac Jakira wamu ne Choir eyakulembeddwa Omutendesi Michael Mukiibi, abakulira Choir Mwami Edward Kayemba ne Muky. Lydia Kiyaga.

Abalala ab’ebitiibwa bangi omuli Omubaka wa Ssaabasajja e Bungereza ne Republic of Ireland Ronald Lutaaya wamu n'abamyukabe, Omulangira Herbert Kateregga, Omulangira Mawanda Jjuuko wamu ne Munnamawulire omugundiivu Joel Kibazo

 Yabadeyo nokusanyusamu Abagenyi mungeri ya Ganda culture.