BAZUUKULU BA BUGANDA RADIO INTERNET.COM 88.8/89.2

Abasuubuzi mu Kampala, Buganda, boogedde bwe bakoseddwa olwokulonda kwa 14 January 2021, okubaddemu emundu, okutta nokubbangana akalulu:

Olaba nensi yonna erimu nobulwadde bwa COVID19, governmenti eyawangude akalulu ate ejjawo internet?

 

By Moses Kigongo

 

Added 28th January 2021

 

ABASUUBUZI b’omu Kampala abeegattira mu bibiina ebyenjawulo beekokkola embeera ey’ebyobufuzi eriwo naddala ebyokulonda bye bagamba nti bibanyize nnyo mu myezi omukaaga egiyise.

 

Abamu ku batembeeyi nga batadde emmaali yaabwe wabweru w’amaduuka agaliraanye ekibangirizi ky’omu Kikuubo mu Kampala.

 

ABASUUBUZI b'omu Kampala abeegattira mu bibiina ebyenjawulo beekokkola embeera ey'ebyobufuzi eriwo naddala ebyokulonda bye bagamba nti bibanyize nnyo mu myezi omukaaga egiyise.

 

Nga bayita mu bibiina byabwe okuli; Kampala City Trader's Association -KACITA, Kampala Arcader's Advocacy FORUMKAAFO ne United Arcades Traders Enteprenuer's Association -UATEA omwegattira abasuubuzi abakolera mu maduuka n'akeedi ezenjawulo mu Kampala n'ebitundu by'eggwanga ebyenjawulo, baalaze engeri embeera y'okulonda gy'ekosezzaamu bizinensi zaabwe.

Mu bimu ku bye baakoonyeeko mulimu; 1. Obunkenke obuleeteddwaawo amagye ne poliisi ebiyiiriddwa mu kibuga wakati. 2. Obwavu obweyongedde mu basuubuzi olw'okwekalakaasa n'okwekuumira awaka mu biseera by'okulonda. 3. Okulemesa abasuubuzi ab'enjawulo okusuubulira ebweru w'eggwanga.              4. Okuleka abatembeeyi okuyiwa emmaali yaabwe ey'enjawulo mu kibuga wakati. 5. Ebbula ly'emirimu n'abaguzi.

Abasuubuzi okwabadde ssentebe wa KACITA, Everesto Kayondo ne munne bwe baafaanaganya emirimu mu KAAFO, Hussein Kato baanokoddeyo ensonga omuli; ey'okuyiwa amagye mu kibuga wakati n'okuleka abatembeeyi okuyiwa emmaali yaabwe ku nguudo ez'enjawulo nga bwe bikyalemesezza abasuubuzi abakolera mu maduuka n'akeedi okutambuza emirimu gyabwe, amabanja ga bbanka, emisolo, ssente z'obupangisa, amasannyalaze, kasasiro.

Bagamba nti ssente ezikozesebwa abasuubuzi nnyingi nga kiwalirizza n'abamu okusuulawo bizinensi  ekikosezza eby'obusuubuzi mu kibuga.

 

Nb

Bano abakaaba magulu meeru abayita have your cake and eat it. Kikoffiira ebyo abadde ajja abikola nga baliira mukavuyo. Agaddewo ne social media abasirikale be ne police baleke kulaba mazima agaliwo bamugobe. Kakati weeks bbiri namba.

 

Ho!!Kati nno mugenda kuwolomera ddala nga mpologoma kubanga kikofiira si musanyufu nti mu Kampala temwamukombya ku kalulu yadde!Agenda kubassa obwavu namwe mukitegeere.Mugya kumattira nti omutima talina!

 

Obusuubuzi bwensi nyingi ebiro bino butambulira nyo ku internet ne social media. Obanga bigaddwawo munsi enamba, mwe abasuubuzi munasobola mutya okwekolera emirimu gyammwe ate ne governmenti eno nga eyagala nyo omusolo oguva mumirimu gyemukola? Era mpozzi nga mulinga abakaaba amazima gagoonya kakati emyezi mukaaga!

 

 

 

 

 

 

 

 Kabaka wa Buganda ayimirizza abakozi b’e Mmengo olwobulwadde obuli munsi yonna:

 

By Musasi wa Bukedde

 

Added 28th March 2020

 

 Katikkiro wa Buganda Mr Charles Peter Mayiga

 

KABAKA ayimirizza abakozi b’e Mmengo ne babalagira okudda eka okutuusa nga April 14, 2020. 

Baalagiddwa okusigala nga batambulira ku biragiro by’okwekuuma obulwadde bwa ssennyiga omukambwe (coronavirus) asannyalazza ensi yonna. Bino byalangiriddwa Katikkiro wa Buganda, Charles Peter Mayiga ku Lwokuna akawungeezi n’agamba nti Obwakabaka bwetaaga abantu bonna nga balamu. “Abakozi bonna tugenda kubasindika mu luwummula.

Tugenda kuggalawo Gavumenti ya Kabaka okuva leero okutuuka April 14, 2020. Era tujja kusinziira ku biragiro Gavumenti eya wakati by’eneebeera ewadde naddala ebikwata ku ntambula y’olukale,” Mayiga bwe yategeezezza.

 

Yayongedde n’ategeeza nga ku lunaku olwo (olwa April 14, 2020) bwe bagenda okusooka okuzza abakozi abatonotono, abalina obuvunaanyizibwa obuteewalika ate abalala basigale awaka okutuusa nga April 20, 2020, oluvannyuma lw’ennaku 32

 “Abakozi baffe abanadda nga April 14, 2020 ofiisi ya Katikkiro ng’eyita mu muwandiisi ow’enkalakkalira mu ofiisi ye ajja kubamanyisa ng’eyita ku mutimbagano.Nange ndi wakwogerako eri abakozi bonna ku mutimbagano. Omanyi tekinologiya ekyo kye kirungi kye.

Tetwagala kuteeka bantu bangi mu kifo kimu okwogera nabo,” Katikkiro Mayiga bwe yagasseeko.

Mayiga eyabadde ne Minisita w’amawulire era omwogezi w’Obwakabaka Noah Kiyimba, Dr. Prosperous Nankindu Kavuma n’omuwandiisi ow’enkalakkalira mu ofiisi ya Katikkiro wa Buganda, Josephine Nantege Ssemanda yategeezezza nga bwe baalagidde abakulira ebitongole by’Obwakabaka 17 okutetenkanya n’okusala amagezi aganaabasobozesa okuyita mu mbeera eno, emirimu gitambule nga n’abakozi basigadde balamu.

Nb

Ebiseera bino ebya technology, abakozi bangi bamatiza bebakolera okusigala nga bakolera awaka online. Okusinga okubamazisa emirimu gyonna. Buganda enatuuka di kunttiko nga abakozi egoba bagobe okusinga okubakozesa mukiseera kino ekizibu enyo ekigudde eri obulamu bwabantu munsi zonna?

Ebizibu bingi nyo ddala ebiri kunsonga zino ezobulwadde, obusimbye ejjembe munsi yonna.

Omuzungu ono yalagula mumwaka 2015 ebiriwo kakano:

( Bill Gates  Speech on 3rd April, 2015 called: The next outbreak? We are not ready! )

Mukulu Njuki Mubiru omuwandiisi wa bazzukulubabuganda international nga yemulugunya kubigambo bino.

89.2